asura

Удалгүй эгч нар маань ирцгээж бас ч гэж ганцаараа байснаас арай л дээрдэв.Гэхдээ л Яая гээд ч яаж ч чадахгүй юу ч хийж чадахгүй байгаадаа бүгд арга мухардана. Тэр шөнө цасан шуургатай байж тааран нөхөр маань цасанд боогдон наашаа ч үгүй цаашаа ч үгүй болсоныг сонсоод эгч нар  охиноо гайгүй байна гэж хэл цасан шуурганаар тэвдэж явж осолдуул яана гэв. Нөхөр маань үе үе охиноо асууж ярих боловч гайгүй дээ, унтуулчихсан байна гэх нөгөө л үгээ хэлнэ. 

гэсэн ч охин нь үе үе эмч нарыг бужигнуулан зүрх нь зогсож байлаа.

Одоо орж охиноо харахаас нүд халитрамаар. Сэхээний тасгийн голын орноос би үнэхээр айдаг.  тэр орон дээр хэвтэж байгаа хүүхдүүд л нас бардаг.  хамгийн хүнд хүүхдийг тэр орон дээр аппаратанд оруулан хэвтүүлдэг болохоор аргагүй байх.  Эдгээд гарах хүүхэд байдаг л даа , гэхдээ үрээ алдан элэг эмтлэн уйлж байгаа олон ээжийг харсан. Харин одоо охин маань тэр орон дээр аппаранд орчихсон, энд тэндгүй бөөн гуурс хийлгэчихсэн хэвтэж байна. Бурхан минь, охин минь, ядаж л аавыгаа иртэл битгий үхээрэй гэж арга барагдан шөнөжин гуйв. Цаад өрөөнд орж залбирч суухдаа Богд уул руу харах гэтэл байшингийн гурвалжин өнцөг таглачихсан.  Яасан удаан цаг хугацаав, ямар ч дуусдаггүй шөнөв. Өглөө боллоо. өглөө бүх л итгэл найдварын эхлэл болдог ч аавыгаа ирэхээс өмнө явчих гээд ...

Аав нь ирлээ. Охиноо голын орон дээр зүүж болох бүхнээс нь гуурс зүүчихсэн, зүрх зүсэм царайг хараад яг л над шиг хамаг итгэлээ алдчих шиг болсоныг царайг нь хараад л мэдэв. Хачин хүрлийсэн төмрийн өнгөтэй царай, хэн нэгэн нь үг хэлбэл шууд л цохиод авахад бэлэн юм шиг аймаар харц. Өмнө нь хэзээ ч нөхрийнхөө царайг ийм байхыг хараагүй .

Аппаратны гэрэл шулуун болоход дуу чимээ сонсогдохгүй чих дүлийрэн  эмч  сувилагч нарын ам ангалзан охины минь биед зүүсэн элдэв  гуурсыг нь аажуухан салган цагаан даавуугаар толгойг нь хүртэл оруулан амыг нь хамхисхийн өлгийдөхийг харан зогсоно. Яг л зүүдэнд үзэгдсэн шиг . Усан дотор хэвтэж байсан шигээ. Яг л тайван унтаж байгаа юм шиг.

Тэнгэр нурчихсан ч юм шиг санагдаж , хүмүүс гүйлдэн, юманд хөөгдөөд байгаа ч юм шиг, бужигналдан сандарцгааж,  дунд нь би хаачихаа мэдэхгүй айж, бусдыг даган гүйж байснаа аврал эрэн богд уул руу  харахад уул харагдахгүй, оронд нь нэг бор саарал байшингийн өнцөг шиг гурвалжин байгууламж ... сандран богд уул байхгүй болчихсон юм байна гэж бодоод хүмүүсийг даган гүйтэл зүүн талд нь нарийнхан хэрнээ  нилээд гүнзгий гол....  Дээгүүр нь харайх гэтэл чаддаггүй. дэмий л эргийг нь дагаад  гүйгээд л байлаа. Туулчихдаг ч юм билүү гээд ус руу хөлөө дүртэл хэнийх нь мэдэгдэхгүй ч нэг л танил дуу наад ус руу чинь орвол үхдэгийн гэхээр нь сандраад хөлөө татаж аван дахиад л эргийг даган гүйлээ. Гэнэт усан дотор  бяцхан охин нь цагаан өлгийгөөр жимбийтлээ өлгийдүүлчихсэн их л тайван унтаж байгааг харав. Тэгсэн мөртлөө дээгүүр нь голын тунгалаг ус урсаад л.

Сүүлийн хэдэн сар ингэж тайван унтаж байгааг нь хараагүй болохоор овоо сайхан тайван унтаж байна гэж бодсоноо хөлөө дүрэхэд хамаг бие царцам хүйтэн устай гол байсныг бодон яанаа  даарчих вий дээ гэж бодсон ч зогсож чадахгүй ямар нэгэн юманд хөөгдөх мэт цаашаа  сандран гол гарах гэж хичээн эрэг даган  гүйгээд л байлаа....

Охиноо яраглах чимээнээр сэртэл хамаг бие нь хөлөрч эрүү нь хүртэл байдгаараа зуучихсан юм шиг чангарчихсан... 5 хан минут л унтсан мөртлөө ямар их үйл явдалтай айдастай, яг л үнэн юм шиг сонин зүүд вэ гэж бодон охиноо тэврэн хөхүүлэв. Зүүд нь санаанаас нь гардаггүй. Усан доторх тэр хүүхэд охин маань мөн л байсан даа. Гэхдээ төрсөнөөс нь хойш толгойгоор нь хүртэл ороож жимбийтэл өлгийдөх нь бүү хэл гарыг нь ч өлгийдөж үзээгүй бараг 6 сар болох гэж байгаа, тэгээд ч тийм цагаан өлгий байхгүй гэж бодсоноо дахин цагаа харвал 3 болж байлаа. Бушуухан өглөө болоосой гэж санаа алдан бодлоо.Охин нь шөнө 2,3-с ойш уйлагнан сандаргаж өглөө нар мандах үеэр тайвширан унтдаг болохоор хурдан өглөө болоосой, нар мандаасай гэж үнэн голоосоо шившин хүлээдэг. Шөнийн харанхуйд цаг хугацаа удааширч,  хүмүүсийн царай барайн, муу муухай дурсамжууд бодогдон,  цаанаа л нэг айдастай болно.Тариа хийхэд судас хүртэл олдохгүй зовооно. Хичнээн гэрэл асаагаад ч нэмэргүй,цээжин дээр дарагдсан хүнд зүйл хөнгөрнө гэж үгүй.  Тэгээд нар мандмагц өөрийн эрхгүй сэтгэл тэнийж тайвширдаг. Юунд ч юм итгэлтэй болж, айдас түгшүүр дагуулсан бодлууд арчигдан, охиноо харахад эдгэрч байгаа ч юм шиг харагдан баясах  шалтаг хүртэл олдоно. Гэсэн ч дахиад л шөнө болно...Өдөр шөнийн ялгаа ийм их байдгийг сүүлийн 5 сар дэндүү ихээр мэдэрч байна даа. 

Тэр өдөр бусад өдрүүдийн адил охиноо тэврэн эмнэлгийн коридороор зөндөө алхав.  хацар хацраа нийлүүлээд.... Зөөлхөн дулаахан үгээр илэрхийлэхийн аргагүй дотно сайхан мэдрэмж...Охины маань хацар ямар хөөрхөн гээч... Хэрвээ эмнэлэгт биш гэртээ ингэж явсан бол энэ жаргалын дээд.. Даанч...  Энэ ёрын газраас явж, дахиж хэзээ ч энд буцаж ирэхгүйгээр гэртээ охинтойгоо  агаа, аня аавтай нь бүгдээрээ хамтдаа байхсан. Уул нь өчигдөр овоо сэргэг сэргэлэн, зүрх нь дэлсэх нь бага  байсан. Эмч нь 2 хоног хараад гайгүй бол гарганаа гэсэн. Гараад дахин ирэхгүй байхсан. Уг нь эмнэлэгт ирээд 10 орчим хоноод гардаг байсан ч энэ удаад 28 хоночихлоо

Аав нь өчигдөр охин нь гайгүй гэхээр ажилдаа  хөдөө  явсан.дараа долоо хоногт ирэх байх даа. Ажилтай ажилгүйн хооронд хот хөдөө хоёрын дунд хэцүүхэн л байгаа байх. Хөдөө очихоороо бидэнд санаа нь зовоод, хотод ирэхээр нь хөдөө ажилаас нь дуудаад. За яахав, охин маань гайгүй  болоодохвол гэхчилэн элдэвийг бодсоор охиноо унтахаар нь өрөөндөө дөнгөж ортол охин маань янцаглан сэрлээ. Өглөөнөөс хойш өрөөнд байх дургүй ч байх шиг, орохоор л уцаарлан уйлагнаад, коридороор алхахаар овоо таатай байхаар нь бүгчимдээд байгаа юм боловуу гэж бодлоо.  Ээж нь босгож тэврээд аяархан дуу дуулахад таатай нь аргагүй хацраа хацарт нь наана. Ингэсээр 5 өнгөрч байхад охин  овоо унтахад өрөөндөө орж орон дээр нь хэвтүүлчихээд хажууд нь зэрэгцэн хэвтээд дөнгөж зүүрмэглэтэл шөнийн зүүдний үргэлжлэл ч юм шиг голын эргээр бачимдан гүйгээд гартаа барьсан охиноо усанд оруулдаг түмпэнг гол давуулан хамаг чадлаараа шидээд цочин сэрэв. Охиноо хартал унтаж л байлаа. Гэхдээ царай нь цонхийгоод нэг л биш. Сандран өрөөнөөсөө шагайж сувилагчийг дуудчихаад эргэвэл эмчтэй хамт орж ирлээ. Болороо эмч унтаж байгаа  охины дээрээс тонгойн ажигласнаа дээшээ сэхээ руу гаръя гэхэд.  "Яагаад" гэж асуухад хоолой нь  зүрх нь ер нь бүх бие нь тэр чигээрээ чичрэв./ Яагаадыг нь сайн мэдэж байгаа ч нэг мэдэхэд ингээд асуучихлаа./ Эмч " Муу л байх шиг байна шүү" гэж эргэж харалгүй хэлээд түрүүлэн алхахад  араас нь охиноо тэврээд эрчимт эмчилгээний гэж нэрлэгддэг тэр аймшигтай өрөө рүү  явах бүрд дээрээс нь нөмрөн авч хоолойг ороож, амьсгалыг нь боох хэзээ ч тэрэн дундаас  гарч чадахгүй мэт санагдах тэр айдас, сандрал, түгшүүр дунд нулимсаа дааж ядан алхалаа.

Нөхөр маань намайг төрөх нь гээд амралтаа авчихаад 7 хонох гэж байдаг, би гэдэг хүн төрдөггүй ээ.  Амралт нь дууссан хойно төрөх вий гэж бодсоор нүдээ нээвэл нөхөр маань  "Ажилдаа очий доо, төрөхөөр чинь амрахаас " гэж хэлээд бослоо. Босч хашааны буланд байх 00 орчихоод байшин руугаа хэдхэн алхатал  доошоо нэг л их юм пүлхийтэл унах шиг болов. доошоо харвал өмд нэвт норчихсон. Ус нь гарчихлаа гэж бодтол хаалга онгойн нөхөр нь ажилийнхаа хувцасыг өмсөөд цүнхээ барьчихсан инээд алдан гарч ирлээ. Бүсгүй "Ус нь гарчихлаа" гэж сандарсанаа нуун аяархан хэлэхэд  хүн ажилд явуулахгүй гээд худлаа яриад байна уу гэж дооглонгуй хэлсэнээ өмдруу нь харан царай нь хувирч цүнхээ шидчихээд эхнэрээ тэврэн /эхнэр: даадаг л юм байна гэж тэрхэн зуур бодов.ккк/ гэртээ орлооо. Бүсгүйн ус нь гарсан ч ердөө төрөх гэж өвдөхгүй байхад нөхөр нь ёстой л зүгээ мартан сандарч байлаа. Тэрхэн зуур дуудсан машин ирж эмнэлэг руу явлаа. Бүсгүй  өвдөхгүй байсандаа ч тэрүү нөхрийнхөө сандарч тэвдэн утсаар ярих, яахаа мэдэхгүй юу ч хамаагүй гарт нь бариулах гэхийг нь сэтгэл хангалуун нь аргагүй шоолон ажиглана. Энэ бол тэрний амьдралд мартагдахгүй үлдэх жаргалтай үеүүдийн нэг. Сумын эмнэлэгийн сувилагч хар хөшигтэй 2 ортой жижиг өрөөнд дагуулан орсоноо орыг нь засч өгөөд их л сайхан ааштай байгаагаа илэрхийлэн гарлаа. Хүүхэн орон дээрээ суугаад гэрийнхэнтэйгээ, найзуудтайгаа инээд алдан дуу нь чангаран яриж эхэллээ. Өвдөөгүй ээ, ус нь гарчихсан гээд л. хааяа коридорын үзүүрийн хаалган дээр ирж нөхрийгөө харна.Бараг цаг гарны дараа эмч орж ирээд нэг тариа хийгээд Одоо 30 минут хүлээгээд өвдөх байх шүү гээд гарлаа. бараг цаг болсон ч өвдсөнгүй. Өвдөхгүй байна ооо гэсээр өмчийнхээ өрөөнд орвол харин би чам руу очих гэж байлаа гэснээ нөгөө гуянд нь тариа хийв.бараг 10 минут ч болоогүй байхад сулхан өвдөж эхлэв. Хүүхэн өрөөндөө орж хэсэг зогссоноо юу ч гэсэн нөхөр дээрээ очий гэж бодон хүлээлгийн цонх руу явлаа. Өвдөлт нь бүүр хүчтэй болж эхэлсэн тул дөнгөж барааг нь харчихаад шахуу буцаад эргэв. Эрчүүд эхнэрийгээ төрөх гээд өвдөхийг харахаараа айдаг гэсэн гэж бодоод өвдөж байгаагаа харуулахийг хүссэнгүй. арайхийн өрөөндөө орж ирээд өвдсөндөө багтран орилж эхлэлээ. Өмнө нь охиноо төрүүлэх гээд өвдөж байхад хэсэг өвдөөд, хэсэг амраад бас ч гэж завсарлагатай байсан санагдаж байлаа. Гэтэл одоо ... Хэт өвдөснөөсөө болоод амьсгаа ч авч чадахгүй байх шиг болж дотор нь муухайран харанхуй юм нөмрөөд авах шиг болох уед хүчилтөрөгч хурдалаарай хүчилтөрөгч гэхийг бүдэгхэн сонслоо. Дараахан нь толгойд нь нэг гар хүрч хамарт нь хүчилтөрөгчийн гуурс залгаж, өвдөлт нь арай намдан амьсгаа авахад арай дээр болох шиг болсон ч дахин өвтөлт нь хүчтэй болоход гуурс нь хүртэл тээртэй санагдан багтран орилов. иймэрхүү маягаар бүтэн 2 цагийн турш ухаантай ухаангүйн хооронд байсаар  ямар ч  тэнхэлгүй болж яанаа төрж чадахгүйн биш байгаа гэсэн айх айдасаас салахаар, өөрийгөө тайвшруулж ядан гүнзгий амьсгаа авах гэж хичээгээд гуурсаа салган төрөх өрөө рүү орж нэг л мэдэхэд орон дээр гарчихсан байлаа......

.......

Эх баригч хүү чинь гараа зангидаад нүүрэн дээрээ барьчихсан гарсан. Тэгээд .... гэхээр нь сандран харвал хүүгийнх нь баруун нүд нь хөхрөөд хамар руугаа хавдчихсан.... Төрөхдөө л хөхөрчихөөд гардаг. эр хүн гэж... гэж өхөөрдөн бодоход сэтгэл уярна.

Хүнтэй сууж амьдралаа холбоно гэдэг төсөөлж байснаас огт өөр зүйл болохыг мэдрэхийн хэрээр гомдох, айх, шантрах нь ихсэж байх шиг байсан ч эцсийн дүнд энэ бүхэнтэй харьцуулашгүй тайвширал, хайр халамж, түшиг тулгуурийг мэдрэх нь хамгийн сайхаан. Бодолд нь хэтэрхий тэнгэрийн амьдрал цогцлож байснаас гомдол айдас сэтгэлд хургасан байх.  Ингээд бодох тусам намайг гомдоолоо гэж буруутгадаг байсан нөхрөөсөө учиргүй уучлал гуймаар ч юм шиг. 

Хэрэв саяхан хүнтэй суусан ч юмуу жирэмсэн бусгүй энэ бичлэгийг уншиж байгаа бол мэдээллээр цацагдаж буй нууц амраг нөхөр нь хэн нэгэнтэй явдаг гэх мэтийг бүү тоо Чиний нөхөр чамайг л сонгосон, бас тэр хэвээрээ л байхыг өөрөө үнэн голоосоо хүсч байгаа гэдэгт итгэ....

Ингэж бичихийн учир нь өмнөх гомдсон бичлэгийг найз маань уншчихаад над руу утасдсан юм.

-Чи боль за? Хэнийг хэн гэж бодоод байгаа юм, Нөхөр чинь тийм залуу юмуу?. Эсвэл чи нөхрөөсөө өөр хүнд ингэж гомдоод байгаамуу? Өөрийгөө хэтэрхий өрөвдөөд тэр нь хий юм боддог галзуугаар илэрч байгаан биш бэээз? гээд л түс тас ....

Яг л тэр эргэлзсэн яах билээ гэж бодсон мөчид эмэгтэй хүн/ би лав тийм юм билээ/ нууц амрагийн тухай /эсвэл нөхөр нь өөр эмэгтэйг сонирхож эхэлж байгаа тухай ч юмуу/ ном уншиж таарвал юу ч бодолгүйгээр номынхоо төсөөллөөр нөхөрөө дүрслэн харьцаагаа хүндрүүлдэг байх. Хэрэв тэр үед хэн нэгэн нялуун найз нь тэр тэгнээ зэвүүн амьтан чи харж л байгаарай гэж сэтгэлийг маань зассан бол бүүр ч эвгүй тийшээ эргэх ч байсан юм билүү. Хэдийгээр хэн нэгний үгэнд тэр бүр ороод байдаггүй гэж өөрийгөө боддог ч иймэрхүү тулах цэгийг хазайлгасан дүгнэлэнд эмэгтэй хүн бүр л ордог бизээ. Ялангуяа ганц биеэрээ байхад ....

Гэтэл яаж ч бодсон 2 өөр орчинд өссөн 2 өөр хүмүүжилтэй 2 өөр хүйсийн хүмүүс яг адилхан сэтгэж адилхан бодохгүй. Тийм байхгүй байна гээд гомдож бухимдах нь ... хэхэ/ эрүүл хүн мөнүү?/  Гэхдээ л эмэгтэй хүмүүс ихэнхдээ л ингэж бачуурдаг .

Нэг найз маань / айл гэр болж тоглоноо гэдэг чинь хэцүү тоглоом шүү/ гэж хэлж байж билээ. Гэхдээ тоглоом нь жижиг сажиг зөрчилөөр дүүрэн ч тоглохгүй байх аргагүй сэтгэл татам юмаа.

 Анх сонсохдоо инээд хүрч байсан тэр дууг сонсохсон, ширээ дээр тависан 4 гарны 2 нь тэсгэл алдан нөгөө 2-гоо барьж авчихаад сандрахгүйн тулд нүд нь өөр тийшээ харсан тэр царайг харахсан, зоогийн газарт гэнэтхэн гараа өг дөө гээд өөрөө ширээн доогуур гараа сунгачихсан суугааг хараад гайхахсан, өөрийн эрхгүй тэвэрч байгааг нь мэдээд энгэрт нь наалдахсан, пиво ууя гэж бааранд дагуулж ороод пиво уухаасаа илүү буруу хийсэн зүйлийг нь ойлгуулах гэж учирлан ярихыг нь сонсож, дахин тэгэхгүй юмсан гэж өөртөө хэлэхсэн, хатуу  хэлсэн үгэнд маань гомдон яахаа мэдэхгүй зогсохыг чинь харж аргадахсан, намайг уурласан ч гомдсон ч баярласан ч яахаа мэдэхгүй хүүхэд шиг хөөрөн сандрахийг чинь харахсан. Хараад өөрийн эрхгүй хайрламаар санагддаг тэр л харцийг харахсан... Тэгээд чамтайгаа тэврэлдэхсэн......

Нэг удаа ажилынхаа хүүхнийд хүүхдийнх нь үснийг авсаны баярт үйл явдалыг хэсэг бүлгээрээ тэмдэглэн нилээд баяр хөөртэй сууж байтал утас нь дугарч мобикомын утасны мэндчилгээгээр ... дугаарын утаснаас  жавхлангийн

...алсын уулс хайрханууд нь

алган дээр минь байгаа шиг

алиа хонгор бүсгүй минь чи хажууд минь байгаасай......

та дахин сонсох бол 1-г дарна уу. 1-г дараад дахиад сонслоо.

Найзууд нь утсаа чагнан инээмсэглэн суугааг нь  гэнэт анзааран хэн бэ юу вэ болцгоов.

-Хөдөөний залууу...

-Аан хэхэ,

Гэнэтхэн хөдөө явж үзсэнийх явсан хүн яс зууна гээд сайн муу / яг үнэндээ сайн мууг нь мэдэхгүй ээ/ олон хүний царай харж, зүс танидаг болжээ.

Хөдөөнөөс ирсэний дарааханаас нэг залуу үргэлж биш боловч тогтмол утасдаж өөрийгөө сануулан аажимаар урагшлах тактикаар давшиж байгааг анзаарсаар бараг жил болжээ. Энэ хооронд утсыг нь хадгалаагүй тул залгахаар нь андуурах, танихгүй байх, утсыг хадгаласан хойноо ч ижил нэртэй нэгэнтэй нь андуурах гэх мэт олон байсан боловч одоо бол бараг л өөр дугаараас залгасан ч дууг нь танихаар болчихсон нь залуугийн тактик тун зөв хэрэгжиж байна даа гэж бодно.

 Хотод ирэхээрээ хамт хоолонд орчихно. Хоолонд орохдоо өөрийгөө санаанд ч оромгүйгээр тун цэвэрхэн магтаад хэн гэдгээ ойлгуулахыг оролдоно. Хүн өөрийгөө ингэж цэвэрхэн магтах гэж байдгаа гэж бодон ярианд нь итгэх шахаж байгаагаа гайхах үе ч байдаг байлаа. Учир нь хүүхэн одоо бараг 30 хүрч тэр хэрээрээ өөрийг нь эргүүлэх хүсэлтэй эрчүүдийн өмссөн баг, жинхэнэ дүр 2-г  үнэрлээд л ялгадаг болчихсон гэж өөрийгөө боддог балаа. Гэхдээ л тэр залуугаас багыг нь салгаж харах гэхээр нэг л болж өгөхгүй байх шиг... Эцэст нь бүсгүй энэ залуутай хааяа / хааяа ч юу байхав дээ, хотод ирэхэд нь л гэсэн үг байх/ дотно хүмүүс шиг уулзаж болох юм гэж бодов. /Тэдний дотно өнгөрүүлсэн анхны шөнө ч бас хөгжилтэй л түүх байсан./

Бүсгүй ажилдаа ирээд цүнхнээсээ утсаа гарган ширээн дээрээ тавив. Утсанд нь дуудлага иржээ. Түүнийг ажилдаа ирж байх хооронд нөхөр нь залгасан байж.  

Бүсгүй утсанд нь нөхрөөс дуудлага ирэх бүрд баярладаг. Хамт байдаг байхдаа ч өдөр ажилаасаа залгахад нь баярлаад л байдаг байсан. Одоо бол бүүр ч их. Заримдаа нээх баярлаад сүйд болдоггүй юмаа гэхэд уурлаагүй байсан ч тайвширч сэтгэл нь уужирдаг. Бүр үгүй юмаа гэхэд л дугаарийг нь хараад инээмсэглэдэг. Гэхдээ ганц нэг удаа залгангуут нь өөдөөс нь муу үгийн цуглуулагыг чулуудаж байсаан. Өөрт нь гомдоод буруутай гэж бодоод байхад нь аргадаад аятайхан үг олоод хэлчих зориг зүрхгүй хулчгар амьтан гэж бодохоор юу ч гэж хэлсэн болох юм шиг санагдах үе бий. Гэхдээ л дөнгөж утсаа салгавуу үгүй юу дэмий юм хэлсэндээ өөртөө гомдоод ирнэ.

Түүний нөхөр Шивээ овоогийн хилийн боомт хавьцаа ажилаар хэд хонож байгаа. Тэндэхийн тухай энэ нь ийм гоё тэр нь тийм гоё гэсэн үг сонсоогүй болохоор юухан дээр ч гэсэн санаа зовиноно. Тэгээд ч өөрөө говийн тухай сайн мэдэхгүй болохоор халуун, элстэй аймаар газар төсөөлнө.  Бас ойрд аймаар санаад байгаа болохоор сайн юм санаанд нь буухгүй байна.

Тэр 2 тусдаа амьдардаг болоод 3 сар болж байгаа ч заримдаа дөнгөж л өчигдөрхөн хамт байсан юм шиг санагдана. Заримдаа холдоод зөндөө удчихсан ч юм шиг

 Бүх эмэгтэйчүүд тэгдэг юмуу, бүсгүй нөхрийнхөө хажууд байхад ер бусийн тайван, бас баяртай байдаг. Ялагуяа мөрийг нь дэрлээд суухад, хэвтэхэд  юутай ч зүйрлэх аргагүй уужирч, өөр юу ч хэрэггүй юм шиг санагдах нь бий. Мэдээж үргэлж санаанд нийцээд харах бүр хайр хүрээд байх нь үгүй л дээ. жишээ нь тэдний нөхөр эхнэрийгээ аргадаж чаддаггүй. Ер нь эмэгтэй хүн хажуудахаараа аргадуулах гэж уйлдаг шүү дээ. Уйлах үед нь нөхөр нь байдгаараа уурлана. аргадаж сүйд болдоггүй юмаа гэхэд зүгээр л тэвэрээд нэг үнсчихэж болно шүү дээ. эсвэл зөөлөн дуугаар яасныг нь асуучихдаг ч юмуу. гэх мэтийн бас бус юмсыг нөхрөөсөө хүсэн хүлээнэ. Гэхдээ л нөхрийнхөө мөрийг дэрлээд хэвтэх хамгийн сайхан.....

Бүсгүй яагаад ч юм хотод ирмээр ажилдаа ормоор санагдаж байж ядаж байлаа. Гэртээ л ирмээр байхын гэж бодохоор одоо амьдарч байгаа гэр, нөхөр, хүү нь тэгээд юу юм бэ гэмээр. Гэхдээ л нөхөртөө хайртай, хүүдээ бүүр ч их. Гэсэн ч гэсэн хотод охин нь, аав нь байгаа.

Хотод ирлээ. Ажилдаа орлоо. Нөхөр хүүгээ санах завгүй ч юм шиг,найз нөхөд баяр хөөр гээд, оройдоо тэр 2-тойгоо утсаар яричихаад л.. болоод л байлаа. Харин ирээд сар ч болоогүй байхад нь аав нь......

Ингээд л охинтойгоо хоёулаа. Охин нь том болсон болоод ч тэрүү угаас яриа биш ч юмуу чимээгүйхэн хичээлээ хийж гэр нь тэр чигээрээ чимээ аниргүй хөндий хүйтэн болчихсон ч юм шиг.

 Аав нь юм бүхэнд оролцоод байдаггүй, болсон бүх юмаа оройд нь аавдаа ярьдаггүй, тэгсгээд л өрөөндөө ороод унтчихдаг боддог байсан бүсгүйд ухаан орсон цагаас хойш ингэтлээ ганцаардаж, бүх юманд итгэл алдаж, айж байсан үе байсангүй. Өөртөө итгэдэг гэж боддог байсан нь үгүй байжээ. Аавдаа л итгэдэг байж. Өөрөө л бүх юмаа хийгээд болгоод байна гэж боддог байсан нь худлаа байж. Одоо ингэ одоо тэг гэхгүй ч бүх л юман дээр аавынх нь ганц хоёрхон үг луужин нь болж байж.одоо яахав гэж урьд нь бодож байгаагүй ч юм шиг. Тэгүүл ингэнэ, ингүүл тэгнэ гэж боддог байсан нь аавынх нь нөмөр нөөлөг байж. Өөрийгөө ийм өчүүхэн гэж бодож байсангүй сэхүүн загнаж байжээ. Юухан дээр ч гэсэн яанаа гэж бодохоос үнэхээр айж... Ингээд л гэнэтхэн хэн ч биш болчих гэж...

 Өглөө ажилдаа явах нь сайхан ч орой гэртээ ирэхэд... Заримдаа ажилаасаа ирэхэд нь аав нь телевизээ үзээд сууж байгаа ч юм шиг санагдаж орж ирэнгүүтээ том өрөө рүүгээ шагайж харах удаа ч байлаа. Байхгүй болсоныг нь мэдсээр байж гэж бодсон ч гэсэн үнэмшихгүй л байгаа юм шиг. Орж ирээд л охиныхоо хийсэн хоолыг идээд орондоо орж уйлдаг болсоор хоёр сар болчихжээ. Хааяа нэг нөхөр нь хүүтэйгээ ирэхэд л сэтгэл тайвширан инээж, орондоо юмуу бурханыхаа өмнө сууж  уйлахыг түр ч гэсэн мартагнана.Гэхдээ л тэр 2 нь хэдхэн хоноод явчихна. Нөхөр нь ирэхэд нь инээж л суудаг болохоор явсан хойно нь уйлахаас өөрийг хийдэггүйг нь мэддэгүй л байхаа даа. Мэдээд ч яах билээ.

Заримдаа хүүгээ учиргүй их санаж бас л уйлах шалтаг болно.

 Харин хэд хоногийн өмнө ирэхдээ хүүгээ үлдээгээд явсан болохоор гэртээ ороод л гэрэл гэгээтэй, инээд хөөртэй. Өдөр бүрийг адал явдал , түүхтэйгээр өнгөрүүлдэг дэггүй бяцхан хүүтэйгээ байхад юундаа уйлахав. Тэгээд ч чимээгүйхэн хоолоо хийж, гэрээ цэвэрлэж байдаг охин нь дуу шуу орж оройд л дүүгийнхээ паянг инээд алдан ярих нь сэтгэл сэргэмээр.

Хүссэн юм хүзүүгээр татнаа гэж. Жил орчмын дараа таарахсан гэж бодож байсан нөхөртэйгээ гудамжинд таарлаа. Юу гэхүү танихгүй өнгөрхүү, хараагүй царай гаргахуу гээд л хэдхэн секундын дотор түмэн бодол эргэлдэж гар хөл салгалаад.... Харин нөхөр нь сайн уу гээд толгой дохиод өнгөрдгийм даа.өөдөөс нь сайн гэж хэлж амжаагүй. толгой дохиод л өнгөрсөн. Юу ч болоогүй юм шиг....Хэдэн сар бодож байж шүүхэд очиж салах өргөдлөө өгсөн. Гэхдээ яг хэзээ солонгосоос ирсэнийг мэдээгүй байсан учраас яваад сураггүй болсон тул баталгааг салгаж өгнө үү гэсэн утгатайгаар бичсэн. Гэтэл шүүх нь "иргэн ... Монгол улсын нутаг дэвсгэрт байхгүй байгаа нь тодорхой тул нэхэмжлэлийг буцаав" жилийн дараа дахиад өргөдөл бичлээ.  Гэтэл хадам ээж нь хүү маань хөдөө амьдрана гээд .. аймаг руу явсан төвд нь байгаа юмуу аль нэг суманд нь байгаа юмуу би мэдэхгүй.Холбоо барихгүй байгаа.../ Төрсөн эх нь үрээ хаана байгааг мэдэхгүй байна гэж байхуу?/ гэсэн байна лээ.  Дүүтэй нь тааралдаад ахынхаа утсыг өгөөдөх би тэтгэвэр нэхэх гээгүй танайхаас юу ч авахгүй хүүхдээ ч өгөхгүй битгий ай ганцхан баталгаагаа салгуулах гэж байна гэж баахан омогдлоо. Дүү нь: би тааралдаагүй аймаар удаж байна. Хаана байгаа юм бүү мэд, Надаа утас нь байхгүй...

Харин яг маргааш нь нөхөр нь дүүтэйгээ хамт явж байхыг харсан.Худлаа хэлсэн дүүгийнх нь нүүрийг нь харахаас халшраад зам буруулан зугтааж билээ.Заза яршиг салгасан салгаагүй ямар ялгаатай юм. би ямар хүнтэй суух биш , надад биш тэрэнд л муу гэж өөрийгөө тайвширууллаа.

Нөхрийнх нь тухай найзуудын ярих харьцангуй цөөрсөн ч сураг нь дуулдсаар л .. Байраа зарсан гэнээ.дамбад хашаа байшин авч гэнэ. .. дугаарын машинтай...охинтой болсон гэнээ, салсан гэнээ суусан гэнээ. дүү нь гэсэн гэнээ, ах нь ингэсэн гэнээ,

Харин энэ завсар тэр ажилд орж , аавындаа буцаж ирж, дүү нь хүнтэй сууж тусдаа гаран хүүхэдтэй болж, охин нь том болж орой ирэхэд нь хоолоо хийдэг болж,өөрөө оройтдог нь ихсэж, оройтохоороо болсон болоогүй тайлбар хэлдэг байсан нь багасч  аавынх нь хэлдэг үг нь өөрчлөгдөж биеээ мэдвэл хүн бэлчээрээ мэдвэл мал гэдэг юм даа. биеэ мэдэж хүн шиг байвал дээр байх шүү гэж ууртайхан зандардаг боллоо./ аав нь хүнтэй суух гэж байхад муу морь очитлоо зовооно. муу хань үхтэлээ зовооно гэдэг юм даа. сайн мууг нь мэдэхгүй байж чиний ингэж гүйж байгаа ч дээ гэдэг байсан. дараа нь тусдаа байхдаа шөнөжин уйлчихсан нүд нь хавдсан амьтан өглөө аавынхаараа  ороход аав нь хүн жаргалд ташуурахгүй, зовлонд сөгдөлгүй амьдрах ёстой байдгийн гэж аргадангуй хэлдэг байлаа.Харин одоо ...хэхэ бас л өөрчлөгдсөн/

Юуны өмнө хүүтэй болсондоо их баярлаж байгаа, Ингээд хүү охин 2-той боллоо.

Хархоринд эмэгтэйчүүдийн хувийн эмнэлэг бий.Эмч нь их сайн эмч гэнэ. Гэхдээ...

 Тэр эмч дээр хяналтанд ороод үзүүлээд... / аминдаа сумын эмнэлэгийг нь тоохгүй байгаан/.

10-р сарын 10-ны  өглөө бие эвгүйтээд өвдөж эхлэхээр нь одоо очлоо өвдөж эхлэлээ гэж хэлэх гээд залгасан чинь эмч маань /нэр дэвшигч болсон тул/ сонгуулиар хөдөө явж байна., юу ч гэсэн очиж бай гэдэг байгаа. Энэ сонгууль нээрээ...

Эмчгүй эмнэлэг дээр очоод ч яах юм билээ. эрхбиш эх баригч, асрагч сувилагч байгаа л байх л даа, гэхдээ л...

Тэгээд голсон юм голд гээд сумын эмнэлэг руу нь явлаа. Харин ч сумын эмнэлэг нь анхаарал халамж сайтай/ хотын хүн гээд тэгсэнүү?хэхэхэ/ эмч асрагчгүй яаж байна, яахав ийхэв гэж тойрч гүйлдсэн хүмүүс байлаа. Ямар чл гэсэн хүндрэлгүй сайхан амаржлаа. Зардал ч багатай төрчихлөө дөө гсн хэхэ

Юуны өмнө хөдөө сайхан байна оо гсн. хэхэ.

агаар нь цэвэр нам гүм чухам л төрөхөө хүлээгээд юу ч хийхгүй хэвтэж байгаа  над шиг хүнд зориулсан газар уу гэлтэй. Гэхдээ заримдаа уур хүргэх юм гарнаа.Жишээ нь 8 сарын сүүлээр өнгөт инээдийнхэн ирэвээ. Нөхөртэйгээ хамт их мундаг сүрхий хошин шог үздэг болоод / Бодоод байсан чинь би ер нь ийм тоглолт бараг үздэггүй байсан юм байна шүү.Хэдэн жилийн өмнө инээдмийн түц үзсэнийг эс тооцвол/ очлоо. Яг үнэнийг хэлэхэд Өнгөт инээдийнхэнд гомдсон шүү. арай ч дээ гэмээр санагдсан. хэлэх ч үг олдоогүй. Манай залуу бөөн уур... Дээхэн үеийн өвөрмонголын хошин шог ч хамаагүй дээр санагдсан шүү.Дахин хэзээ ч тэдний тоглолтыг үзэхгүй гэж бид 2 хоёр тангараг тавих шахлаа.

Бас хааяа гоё юм идмээр санагдсан үед дэлгүүрт нь идчихмээр юм байхгүй нь жаахан тиймхэн. Дэлгүүрт нь гоё гэхээр юм байхгүй. Ихэнхдээ л хоёрын хооронд чихэр шоколадхан л байна.Гэхдээ хотоос захиж авчруулсан. Төртөлөө нөөц бий гсн хэхэ.

Хүүхэн бүрээн гэж өөртөө итгэлгүйхэн хэлээд үүргэвчээ уудлалаа. Азаар бараг л бүрэн шүү. уруулын будаг, жижиг тень, зовхины тос, нэг боодол дамск,/нэг боодлыг нь үлдээсэн нь яамай даа/ гар чийдэн, бас  бохинууд нь алга...уг нь ингэмээргүй л хүмүүс шиг байсан даа гэж гомдонгуй хэлбэл айлын эзэн бах нь ханасан шинжтэй хэг хэг инээж чи ч азтай юмаа гэв. Тэд хүүхнийг До авгайн хамаатан биш гэдэгт итгэлтэй болсон уу, өмнө нь хамт ирсэн хүний нэр нүүрийг санасан уу ааш зан сайтай болж цай цүй болоод ирэв. Тэдний боорцог нь тун амттай, дээр нь таваганд хийж өгсөн өрөм нь ... хэлэх ч юм биш. Энэ олон хоногийн хугацаанд анх удаа шахуу хоол ундтай, гэрэл гэгээтэй жинхэнэ айлд ирж байгаа юм шиг л санагдав.Айлынхан До авгайнханыг сайн мэддэг хүмүүс бололтой, тэднийхний тухай баахан ярив. Яагаад нөхрөөр нь биш эхнэрээр нь нэрлэсэн айл юм бүү мэд.До авгайнх 3 хүүтэй гэнэ.3 хүү нь гурвуулаа шоронд байгаа гэнэ. Бүгд малын хулгайч юмсанж. Авгай өөрөө ч хонож өнжсөн замын хүмүүсийг зүгээр байлгадаггүй гэнэ.айхтар хэл амтай заргач заальхай тун олиггүй хүн бололтой. Гэхдээ тэднийх их л олон малтай баян айл гэнэ.Хүүхэн олон малтай баян айл юм бол хүүхдүүд нь яагаад хулгай хийж шоронд ордог, гэрт нь яагаад идэх юмгүй  юм бол гэж гайхлаа.

Шөнийн тэнгэр цэв цэлмэг. Одод нь ямар ч зурган дээр үзээгүйгээр, ер бусийн ойрхон, хурц тод гэрэлтэнэ. Зуслан дээр шөнө эгчтэйгээ гадаа гудас дэвсээд тэнгэр харан хэвтдэг байсан нь санагдлаа.Хиймэл дагуулийг тоолон однуудыг элдэв дүрстэй болгон бие биедээ таалгаж хэвтдэгсэн.Хөдөөний тэнгэрийн одод хамаагүй олон дүрс гарах юм байна даа гэж санаа алдан бодлоо.Ер нь зуслангийн од хөдөөний од 2 шал өөр юм шиг санагдав. Хөдөөний од газарт их ойрхон, хурц гэрэлтэй,их шооч, хурдан хурдан анивчиж байгаа ч юм шиг. Явсан газар, уулзсан хүмүүсийнх нь тухай сануулан тохуурхан тоглож анивчаад байгаа ч юмуу гэмээр.Гэрээ санах ч шиг. Жоохон байхад шинэ жил болохоор зассан модныхоо доор газар унтах их дуртай байж билээ.Гэрэл унтраад унтах болоход фосфортой тоглоомнууд нь гэрэлтээд л. Үлгэрийн ертөнцөд оччихсон юм шиг. Гэтэл одоо яг л тийм мэдрэмж төрж байлаа.Үлгэрт ч ийм гоё одод гардаггүй байх даа...
 

Өглөө хэдий өөриймсүү байсан боловч хаширсан хүүхэн өмнөх айлаа санаж айлын эзэгтэй нарт гоо сайхны үйлчилгээ үзүүлсэнгүй.Айлын хэдэн адуу алга болжээ. Тэдний хамгийн айдаг юм нь малын хулгай бололтой. арай залуу нь адуугаа хайхаар явах болов. Настай эмэгтэй чулуу татан сууна.

-Чи одоо яваад хэрэггүй ээ. олохгүй юм байна. Үдээс хойш баруун хойшоо хайвал олдоно. Буруу гараар ороогүй байна.

Залуу ч яваад л өглөө. Хэсэг хугацааны дараа олсонгүй гэсээр ирэв. өдөр нэг цагын үед настай авгай одоо яваа гэснээр явж адуугаа туусаар ирлээ. Яаж тэр чулуугаар тэгж мэддэг байнаа гэж хүүхэн гайхлаа.

Тэгж байтал айлын хүүхэний нүд рүү өтний ялаа өт цацаж гэрийнхэнийг сандаргав.Хоёр айлынхан аж ахуйн төвийн фургонтой "ажилсаг" залууг дуудахаар шийдлээ .Хүүхэн тэр ч олдохгүй дээ гэж бодов. Тэгээд нэг удаа эмээ нь зусланд байхад нь өөрийнх нь нүдэнд орсон өтийг авч байсныг санан,  асуудлыг би шийдэе хэмээн баатарлагаар ханцуй шамаллаа. Удвал өтнүүд амилж хөдлөөд түүлэгдэггүй юм, амилахаас нь өмнө амжиж хурдан түүх хэрэгтэй гэсэн эмээгийн үг санагдана.Нэрэлхүү зангийн хүчээр өмнө нь огт түүж үзээгүй өтнүүдийг тун ч сайхан түүлээ. Дотроо өөртөө итгэлгүй байсан боловч бүх өтийг түүсний дараа хүүхний цээжинд  үнэхээр том гэрэл асах шиг санагдаж билээ.

Хүүхэн өдөржин айлын хүүтэй хамт сарлагийн тугал унан,айраг бүлж, трактор дотор орж гаран баахан тоглов.Тайвуухан инээмсэглэх айлын эхнэрүүд хөзөр тоглон, гүүгээ сааж, ааруул зүсэн гэр дээрээ тавина.Уулын орой дээр айлын хүүтэй хамт гарч нар жаргахыг харав.Хүү хэдий арваадхан настай ч ойр орчмын уулнуудын нэрийг бүгдийг мэддэг бололтой хүүхэнд нэрлэн зааж өгнө. Хорвоо өөрт нь хайртай болохоор хамаг гоё юмаа бушуухан үзүүлье гэсэн шиг л нар хүртэл шал өөрөөр урьд өмнө хэзээ ч харж байгаагүйгээр нь гайхалтай сайхан жаргаж байлаа.

Яарч сандрах юмгүй/ юундаа ч яарахав дээ/, юунд ч санаа зовохгүй,ядаж чимээ шуугиан ч байхгүй,чихнээс нь нэг юм гаргаад хаячихсан юм шиг,хэдий намхавтар уулнуудтай ч гэсэн цаанаа л нэг цэлийгээд, ийм амьдрал гэж бас байдагаа?

Тэр уулан дээр  сүлжээ барьдаг юм байж. Хүүхэн Архангайд үлдсэн нөгөө эгч рүүгээ залгавал азаар жолооч нь тэндээс маргааш гарна гэж хэллээ. Ашгүй нэг адал явдал дуусах нь дээ.